စတီယာရင်ဘီးနဲ့ ခြေနင်းခလုတ်မပါတဲ့ ကိုယ်ပိုင်မောင်းနှင်စနစ်သုံး Model Y ကားသစ် ထုတ်လုပ်ရန် Tesla စီစဉ်
Elon Musk ဟာ New York Times DealBook Summit မှာ Tesla ရဲ့ အနာဂတ်အလိုအလျောက်မောင်းနှင်နိုင်တဲ့ ကားအစီအစဉ်တွေအကြောင်း ပြောကြားခဲ့တာဖြစ်ပါတယ်။
လက်ရှိ Tesla ရဲ့ Cybercab ဟာ စတီယာရင်ဘီးနဲ့ ခြေနင်းခလုတ်တွေမပါဝင်တဲ့ လူနှစ်ဦးစီး ကိုယ်ပိုင်အုပ်ချုပ်မောင်းနှင်နိုင်သော ကားတစ်မျိုးဖြစ်ပြီး Robotaxi ဝန်ဆောင်မှုအတွက် အသုံးပြုသွားမှာ ဖြစ်ပါတယ်။
ဒါပေမဲ့ မိသားစုလိုက် ခရီးသွားလာသူတွေအတွက် ပိုမိုကျယ်ဝန်းတဲ့ Autonomous ကားတစ်မျိုး လိုအပ်နေသေးတယ်လို့ Elon Musk က ဆိုပါတယ်။
ဒါကြောင့် Tesla ဟာ Model Y ကို အခြေခံထားတဲ့ Steering Wheel နဲ့ Pedal မပါဝင်သော Autonomous Version တစ်မျိုးကို ဖန်တီးသွားမှာဖြစ်ပြီး လူ ၆ ဦးမှ ၇ ဦးအထိ စီးနင်းနိုင်အောင် ပြုလုပ်သွားဖို့ ရည်ရွယ်ထားပါတယ်။
အခြားကုမ္ပဏီတွေရဲ့ Robotaxi ကားတွေနဲ့ နှိုင်းယှဉ်ကြည့်မယ်ဆိုရင် Waymo ရဲ့ Ojai ကားဟာ လူ ၄ ဦးအထိ စီးနင်းနိုင်ပြီး Uber က အသုံးပြုရန် စီစဉ်ထားတဲ့ Lucid Gravity SUV ကတော့ လူ ၆ ဦးအထိ လိုက်ပါနိုင်ပါတယ်။
Tesla ရဲ့ Model Y Autonomous Version ဟာ မိသားစုလိုက် သွားလာနိုင်တဲ့ အနာဂတ် Robotaxi ဈေးကွက်အတွက် ရည်ရွယ်ထားတဲ့ စိတ်ဝင်စားစရာကောင်းတဲ့ စီမံကိန်းတစ်ခု ဖြစ်လာနိုင်ပါတယ်။
crd EVAN Automobile



