YBS ယာဉ်များ စလင်ဒါအိုးလဲလှယ်ရန် ကုန်ကျစရိတ်များပြားသဖြင့် ရပ်နားထားရ
လျှပ်စစ်နှင့်စွမ်းအင်ဝန်ကြီးဌာနရဲ့ ထုတ်ပြန်ချက်အရ သက်တမ်းလွန် CNG ဆလင်ဒါအိုးများကို လာရောက်စစ်ဆေးခြင်း၊ လဲလှယ်ခြင်းမပြုပါက CNG ဝယ်ယူခွင့်ပိတ်သိမ်းထားမယ်လို့ ထုတ်ပြန်ထားရှိထားတာကြောင့် သက်တမ်းလွန် စလင်ဒါအိုးများ ရှိနေသော YBS ယာဉ်များမှာ စလင်ဒါအိုးများ မဖြစ်နေလဲလှယ်ရန် လိုအပ်နေတာ ဖြစ်ပါတယ်။
လဲလှယ်ရာတွင် ကားတစီးအတွက် အနည်းဆုံး ငွေကျပ် သိန်း ၁၀၀ ခန့် ကျသင့်မှာဖြစ်ပြီး ၎င်းပမာဏမှာ အင်မတန်များကြောင်းနှင့် စလင်ဒါအိုးလဲလှယ်နိုင်ရန် အရစ်ကျစနစ်ရရှိနိုင်ဖို့ ကုမ္ပဏီများနှင့် ယာဉ်ပိုင်ရှင်များမှ လိုလားနေကြပါတယ်။
ယခင်က အရစ်ကျစနစ်ဖြင့် ရရှိခဲ့ပြီး အရစ်ကျစနစ်မရရှိခဲ့တဲ့ ယာဉ်များအနေဖြင့်လည်း အပိုပစ္စည်းခဲယဉ်းမှု မရှိတာကြောင့် အဆင်ပြေခဲ့ပေမယ့် ယခုအခါ အရစ်ကျစနစ်မရှိပဲ အလုံးစုံကျခံရမည်ဖြစ်တာကြောင့် အနည်းဆုံး သိန်းရာဂဏန်းခန့် ကုန်ကျမှာ ဖြစ်ပါတယ်။
ယခုအခါ စလင်ဒါအိုးမလဲနိုင်သော YBS ယာဉ်များမှာ ယာဉ်လိုင်းပြေးဆွဲမှုမပြုနိုင်ပဲ ရပ်နားထားရပြီး လက်ရှိပြေးဆွဲနေသော ယာဉ်များမှာလည်း အပိုပစ္စည်းခက်ခဲမှုများကို ဖြေရှင်းပေးမှသာ ဆက်လက်ပြေးဆွဲနိုင်မှုရှိမယ်လို့ ပြောဆိုနေကြပါတယ်။
crd YBS Explorers



