ဂီယာချောမွေ့ပြီး ဆီစားသက်သာစေမယ့် ကားထိန်းသိမ်းနည်း လျှို့ဝှက်ချက်
ကားတစ်စီးလုံး ကောင်းကောင်းအလုပ်လုပ်ဖို့ အင်ဂျင်တင်မကဘဲ နောက်ကွယ်ကနေ အသက်သွေးကြောလို ထောက်ပံ့ပေးထားတဲ့ Gear Oil (ဂီယာဝိုင်) အခန်းကဏ္ဍက တကယ့်ကို အရေးကြီးပါတယ်။ Grade မြင့်ပြီး ကောင်းမွန်တဲ့ Gear Oil ကို စနစ်တကျ ရွေးချယ်သုံးစွဲခြင်းက သင့်ကားအတွက် ဘယ်လိုအကျိုးကျေးဇူးတွေ ပေးစွမ်းနိုင်မလဲဆိုတာ ကြည့်လိုက်ရအောင်။
၁။ ချောမွေ့အိစက်တဲ့ Gear Shifting ခံစားချက် (Smooth Gear Engagement)
Premium Quality ဂီယာဝိုင်တွေမှာ ပါဝင်တဲ့ Advanced Additives တွေက ဂီယာသွားတွေကြား Friction (ပွတ်တိုက်မှု) ကို အထိရောက်ဆုံး လျှော့ချပေးပါတယ်။ ဂီယာချိန်းတဲ့အခါ ဂျပ်ကနဲ၊ ဂျတ်ကနဲ အသံတွေဖြစ်တာ၊ တောင့်နေတာမျိုး မရှိဘဲ ပေါ့ပါးချောမွေ့စွာ ပြောင်းလဲနိုင်လို့ မောင်းနှင်မှုရသကို အပြည့်အဝ မြှင့်တင်ပေးပါတယ်။
၂။ သက်တမ်းရှည်ကြာ ခိုင်ခံ့စေခြင်း (Wear & Tear Protection)
ဂီယာ Box ထဲက Metal-to-Metal ပွတ်တိုက်မှုတွေဟာ အပူချိန်နဲ့ ဖိအားဒဏ်ကို အပြင်းအထန် ခံရပါတယ်။ ကောင်းမွန်တဲ့ Gear Oil ဟာ အဲဒီသတ္တုမျက်နှာပြင်တွေပေါ်မှာ ကြံ့ခိုင်တဲ့ အကာအကွယ်လွှာ (Protective Film) တစ်ခုကို ဖန်တီးပေးပြီး စုတ်ပြဲပျက်စီးမှု (Wear and Tear) ကို ကာကွယ်ပေးတဲ့အတွက် Gearbox ရဲ့ သက်တမ်းကို သိသိသာသာ ရှည်ကြာစေပါတယ်။
၃။ အပူဒဏ်ခံနိုင်ရည် မြင့်မားခြင်း (Thermal Stability & Cooling)
ခရီးဝေးမောင်းနှင်တဲ့အခါ ဒါမှမဟုတ် ယာဉ်ကြောပိတ်ဆို့မှုတွေကြားထဲ ဂီယာခဏခဏ ချိန်းရတဲ့အခါ Gearbox အတွင်း အပူချိန် အလွန်မြင့်တက်လာတတ်ပါတယ်။ အဆင့်မြင့် Gear Oil တွေက မြင့်မားတဲ့ အပူဒဏ်အောက်မှာလည်း ခဲသွားတာ၊ ပျစ်ခဲအနယ်ထိုင်တာမျိုး မရှိဘဲ Viscosity (ပျစ်ပြတ်နှုန်း) ကို တည်ငြိမ်စွာ ထိန်းထားနိုင်လို့ အပူလွန်ကဲပြီး ဂီယာဆွဲတာမျိုးကို ကာကွယ်ပေးပါတယ်။
၄။ ဆီစားသက်သာစေခြင်း (Improved Fuel Efficiency)
ဂီယာအစိတ်အပိုင်းတွေရဲ့ အလုပ်လုပ်ဆောင်မှုမှာ ပွတ်တိုက်မှုအား နည်းသွားတာနဲ့အမျှ Engine ကနေ ဘီးတွေဆီ အင်အားကူးပြောင်းပေးရတဲ့ Power Transfer က ပိုမို ထိရောက်မြန်ဆန်လာပါတယ်။ စွမ်းအင်လေလွင့်မှု နည်းသွားတဲ့အတွက် အင်ဂျင်ဝန်ပိမှု သက်သာပြီး ဆီစားနှုန်း (Fuel Consumption) ကိုပါ ပိုမိုချွေတာရာ ရောက်ပါတယ်။
၅။ ဆူညံသံနှင့် တုန်ခါမှုများကို လျှော့ချပေးခြင်း (Noise & Vibration Reduction)
ဂီယာစနစ် သက်တမ်းရင့်လာရင် ဖြစ်တတ်တဲ့ တကျိကျိမြည်သံတွေ၊ မောင်းနေစဉ် တုန်ခါမှု (Vibrations) တွေကို ကောင်းမွန်တဲ့ ကပ်ငြိမှုစွမ်းအား (Clinging Property) ရှိတဲ့ ဂီယာဝိုင်က အသံတိတ်စေပြီး ငြိမ့်ညောင်းတဲ့ Ride Quality ကို ပေးစွမ်းနိုင်ပါတယ်။
crd PPE 9 Auto Mobile



