မျိုးဆက် ၇ ဆက်မြောက် Honda CR-V ကို Hybrid စနစ်သီးသန့်ဖြင့် ၂၀၂၇ တွင် မိတ်ဆက်မည်
Honda ဟာ ကမ္ဘာတစ်ဝန်း လူကြိုက်များတဲ့ SUV မော်ဒယ်တစ်ခုဖြစ်တဲ့ CR-V ရဲ့ မျိုးဆက်သစ်ကို ၂၀၂၇ ခုနှစ်မှာ အမေရိကန်ဈေးကွက်အတွင်း စတင်ရောင်းချသွားဖို့ စီစဉ်နေပါတယ်။
သတင်းဖော်ပြချက်တွေအရ Honda ရဲ့ မျိုးဆက် ၇ ဆက်မြောက် CR-V ကို Las Vegas မှာ ကျင်းပခဲ့တဲ့ Dealer Conference မှာ အမေရိကန်အရောင်းကိုယ်စားလှယ်တွေကို ကြိုတင်ပြသခဲ့ပြီး ဒီဇိုင်းပိုင်း၊ Platform နဲ့ Hybrid နည်းပညာပိုင်းတွေမှာ သိသာတဲ့ပြောင်းလဲမှုတွေ ပါဝင်လာမှာဖြစ်ပါတယ်။
CR-V မျိုးဆက်သစ်မှာ တွေ့မြင်ရမယ့် အဓိကအချက်မျာ
၁။ Platform အသစ်
CR-V မျိုးဆက်သစ်မှာ All-new Platform ကို အသုံးပြုလာမှာဖြစ်ပြီး ကိုယ်ထည်တောင့်တင်းမှု ပိုမိုကောင်းမွန်လာစေဖို့နဲ့ အစိတ်အပိုင်းတွေကို မျှဝေအသုံးပြုနိုင်တဲ့ Modular Architecture စနစ်ကို အခြေခံတည်ဆောက်ထားပါတယ်။
၂။ Hybrid စနစ်တစ်မျိုးတည်းသာ ရွေးချယ်နိုင်မည်
အမေရိကန်ဈေးကွက်အတွက် CR-V ကို Hybrid-only Powertrain Strategy အဖြစ် ပြောင်းလဲသွားမှာဖြစ်ပါတယ်။
Honda ရဲ့ မျိုးဆက်သစ် Dual-Motor Hybrid System ကို အသုံးပြုမှာဖြစ်ပြီး Atkinson-cycle 4-cylinder Engine နဲ့ တွဲဖက်ပေးထားပါတယ်။ Electric All-Wheel Drive စနစ်ကိုလည်း ရွေးချယ်နိုင်မှာဖြစ်ပါတယ်။
Honda ရဲ့ ရည်မှန်းချက်အရ ဆီစားနှုန်းကို လက်ရှိ CR-V Hybrid ထက် ၁၀ ရာခိုင်နှုန်းကျော် ပိုမိုကောင်းမွန်လာစေဖို့ ရည်ရွယ်ထားပါတယ်။
၃။ Exterior Design ပိုင်း ပြောင်းလဲမှု
အပြင်ပိုင်းဒီဇိုင်းမှာ ပိုမိုပြင်းထန်ပြီး ကြွက်သားဆန်တဲ့အသွင်အပြင်ကို ဖော်ဆောင်လာနိုင်ပါတယ်။
နောက်ဘက်မှာ ကားအကျယ်တစ်လျှောက် LED Light Bar ကို ထည့်သွင်းလာမယ်လို့ သတင်းဖော်ပြထားပါတယ်။
၄။ Interior နဲ့ နည်းပညာပိုင်း
အဆင့်မြင့် Grade တွေမှာ 15.4-inch အရွယ်အစားရှိတဲ့ Center Touchscreen ကြီးကို အသုံးပြုလာနိုင်ပါတယ်။
Gear Shifter ကိုလည်း ပုံမှန်နေရာအစား Steering Column ပေါ်မှာ တပ်ဆင်ပေးထားမယ်လို့ သိရပါတယ်။
၅။ Honda Accord မော်ဒယ်သစ်လည်း လာမည်
CR-V နဲ့အတူ Honda Accord ရဲ့ Facelift မော်ဒယ်သစ်ကိုလည်း ကြိုတင်ပြသခဲ့ပါတယ်။
Accord အသစ်မှာ ပိုမိုခေတ်မီတဲ့ Exterior Design၊ ရှည်လျားတဲ့ Bonnet၊ Premium Grille နဲ့ Slim Headlights တွေ ပါဝင်လာနိုင်ပြီး ၂၀၂၇ ခုနှစ် ဒုတိယနှစ်ဝက်အတွင်း အမေရိကန်ဈေးကွက်မှာ ရောင်းချဖို့ စီစဉ်ထားပါတယ်။
Honda ရဲ့ အနာဂတ်မော်ဒယ်သစ်များ
Honda ဟာ ၂၀၃၀ ပြည့်နှစ် မတ်လအထိ ကမ္ဘာ့ဈေးကွက်အတွင်း မျိုးဆက်သစ် Hybrid မော်ဒယ် ၁၅ မျိုးအထိ မိတ်ဆက်သွားဖို့ ရည်မှန်းထားပါတယ်။
ဒါ့အပြင် ရပ်နားထားခဲ့တဲ့ Honda Element ကိုလည်း မျိုးဆက်သစ် Crossover အဖြစ် ပြန်လည်အသက်သွင်းဖို့ စီစဉ်နေပြီး ၂၀၂၉ ခုနှစ်မှာ ထုတ်လုပ်မှုစတင်နိုင်တယ်လို့ သတင်းတွေက ဖော်ပြထားပါတယ်။
အခြားတစ်ဖက်မှာ Honda Avancier SUV အသစ်ကိုလည်း မကြာမီ မိတ်ဆက်သွားဖို့ ရှိပါတယ်။ အဆိုပါမော်ဒယ်ဟာ 3-Row Hybrid SUV အမျိုးအစားဖြစ်ပြီး အာရှနဲ့ ဩစတြေးလျဈေးကွက်တွေမှာ Honda ရဲ့ အကြီးစား SUV အဖြစ် ရပ်တည်လာနိုင်ပါတယ်။
သတင်းများအရ Avancier ကို ထိုင်းနိုင်ငံမှာ ၂၀၂၇ ခုနှစ်အစောပိုင်းတွင် စတင်ထုတ်လုပ်ဖို့ စီစဉ်ထားပါတယ်။
credit to EVAN Automobile



