စက်သုံးဆီဈေး သုံးပတ်ဆက်တိုက်မြင့်တက်၊ ရိုးရိုးဒီဇယ် တစ်လီတာ ၅,၀၀၀ ကျပ်ရောက်လာ

ရန်ကုန်မြို့မှာ စက်သုံးဆီဈေးနှုန်းတွေ နှစ်ပတ်ဆက်တိုက် မြင့်တက်လာပြီး ရိုးရိုးဒီဇယ်တစ်လီတာကို ကျပ် ၅,၀၀၀ အထိ ရောက်ရှိလာကြောင်း စက်သုံးဆီဈေးနှုန်း ထုတ်ပြန်ချက်တွေအရ သိရပါတယ်။
အောက်တိုဘာ ၉ ရက်အတွက် ထုတ်ပြန်ထားတဲ့ ဈေးနှုန်းတွေအရ 92 ဓာတ်ဆီတစ်လီတာ ၄,၅၉၅ ကျပ်၊ 95 ဓာတ်ဆီ ၄,၇၇၀ ကျပ်၊ ရိုးရိုးဒီဇယ် ၅,၀၀၀ ကျပ်နဲ့ ပရီမီယံဒီဇယ် ၅,၅၇၅ ကျပ် ရှိပါတယ်။
ပြီးခဲ့တဲ့ ရက်သတ္တပတ်နဲ့ နှိုင်းယှဉ်ရင် 92 က ၅၅ ကျပ်၊ 95 က ၄၀ ကျပ်နဲ့ ရိုးရိုးဒီဇယ်က ၁၈၅ ကျပ် ထပ်မံမြင့်တက်လာတာပါ။ ပရီမီယံဒီဇယ်ကတော့ ယခင်အပတ်က ဈေးနှုန်းထက် ၂၂၀ ကျပ် ကျဆင်းလာပါတယ်။
စက်သုံးဆီဈေးတွေ ဆက်တိုက်ပြောင်းလဲနေတဲ့အတွက် ကားအသုံးပြုသူတွေနဲ့ သယ်ယူပို့ဆောင်ရေးလုပ်ငန်းတွေအတွက် ဆီဖိုးကုန်ကျစရိတ်ကို ပိုမိုတွက်ချက်ရမယ့် အခြေအနေ ဖြစ်လာသလို ကုန်စျေးနှုန်း ဆက်တက်နိုင်တယ်လို့ မှန်းဆနေကြပါတယ်။
Credit to Myanmar Morning News