EV ကားလောကကို အပြောင်းအလဲဖြစ်စေမယ့် လမ်းပေါ်မောင်းရင်း ကြိုးမဲ့အားသွင်းစနစ် Honda မိတ်ဆက်

[ EV ကား​တွေကို ​မောင်းနှင်​နေစဥ် အားပြန်သွင်းနိုင်မယ့် နည်းပညာကို Honda တီထွင်၊ 2027 ထဲ ဂျပန်မှာစမ်းသပ် အသုံးပြုမယ် ]
လျှပ်စစ်ကား (EV) တွေကို အားသွင်းဖို့ Charging Station မှာ ကားရပ်ပြီး စောင့်နေစရာမလိုတော့ဘဲ လမ်းပေါ်မောင်းနေရင်း ဘက်ထရီအားသွင်းနိုင်မယ့် နည်းပညာကို ဂျပန် Honda ကုမ္ပဏီက Taisei Corporation နဲ့ Taisei Rotec တို့နဲ့ ပူးပေါင်းတီထွင်နေပါတယ်။
ဒီနည်းပညာကို Dynamic Wireless Power Transfer လို့ခေါ်ပြီး လမ်းမျက်နှာပြင်အောက်မှာ လျှပ်စစ်ပို့လွှတ်ပေးနိုင်တဲ့ Coil တွေ တပ်ဆင်ထားမှာဖြစ်ပါတယ်။
EV ကားက အဲဒီလမ်းပိုင်းပေါ် ဖြတ်မောင်းတဲ့အခါ ကားနဲ့ လမ်း
ကို ကြိုးချိတ်စရာမလိုဘဲ လျှပ်စစ်စွမ်းအင်ကို ကြိုးမဲ့စနစ်နဲ့ ကားဘက်ထရီဆီ ပို့လွှတ်အားသွင်းပေးမှာ ဖြစ်ပါတယ်။
အထူးသဖြင့် ခရီးဝေးမောင်းနှင်ရတဲ့ ကုန်တင်ကားကြီးတွေမှာ အားသွင်းဖို့ အချိန်ကြာကြာရပ်နားရတာနဲ့ ဘက်ထရီအရွယ်အစား ကြီးမားဖို့လိုအပ်တာတွေကို လျှော့ချနိုင်ဖို့ ရည်ရွယ်ထားပါတယ်။
Honda တို့က အကြီးစား EV တွေအတွက် 150 kW အထိ လျှပ်စစ်အားပို့လွှတ်နိုင်မယ့် စနစ်ကို စမ်းသပ်ဖို့ စီစဉ်ထားပြီး 2027 ဘဏ္ဍာနှစ်ကစတင်ကာ Chiba Prefecture ရှိ Tateyama Expressway မှာ လက်တွေ့စမ်းသပ်သွားဖို့ စီစဉ်ထားပါတယ်။
ဒီနည်းပညာ လက်တွေ့အသုံးပြုနိုင်လာရင် အနာဂတ်မှာ EV ကားတွေဟာ Charging Station ရှာပြီး အချိန်ကြာကြာရပ်နားအားသွင်းရတဲ့ ပုံစံကနေ “ကား​မောင်းရင်းလမ်း​ပေါ် အားသွင်းနိုင်တဲ့စနစ်” ဘက်ကို ပြောင်းလဲလာနိုင်ပါတယ်။
Source : Honda Motor Co., Ltd.
Release Date : 5.10.2026