အင်ဂျင်ဝိုင် မစစ်ဆေးဘဲ မောင်းရင် ကြုံရနိုင်တဲ့ အန္တရာယ်များ

⚠️ အင်ဂျင်ဝိုင် မစစ်ဆေးဘဲ မောင်းရင် ကြုံရနိုင်တဲ့ အန္တရာယ်များ
အင်ဂျင် အသံကြမ်းလာခြင်း – သတ္တုအချင်းချင်း ပွတ်တိုက်မိပြီး အင်ဂျင်ဆူညံလာမယ်။
အဆွဲအရုန်းကျပြီး အင်ဂျင်အပူတက်ခြင်း – ဆီချောဆီမလုံလောက်လို့ ပစ္စတင်နဲ့ ဆလင်ဒါတွေ ပူလာပြီး ဆွဲအားကျလာမယ်။
ဆီစားနှုန်း သိသိသာသာ မြင့်တက်လာခြင်း – အင်ဂျင်က ပုံမှန်ထက် ဝန်ပိုရုန်းရတာကြောင့် ဆီပိုစားလာမယ်။
သိန်းဆယ်ဂဏန်းကုန်ကျမယ့် ပြုပြင်စရိတ် – အင်ဂျင်ဂျမ်းဖြစ်သွားရင် Overhaul (စက်ပြန်ချ) လုပ်ရပြီး ငွေကုန်ကြေးကျ အလွန်များမယ်။
အင်ဂျင်ဝိုင်ကို မှန်ကန်တိကျစွာ စစ်ဆေးနည်း (၅) ဆင့်
​၁. မြေပြင်ညီတဲ့နေရာမှာ ကားကိုရပ်ပါ
ကုန်းစောင်း ဒါမှမဟုတ် ချိုင့်ခွက်ထဲမှာ ရပ်တိုင်းရင် ဆီပမာဏ လွဲမှားနိုင်ပါတယ်။
​၂. အင်ဂျင်အပူချိန်ကို သတိပြုပါ
ကားမောင်းပြီးပြီးချင်း စက်မသတ်ဘဲ အင်ဂျင်ဝိုင်မတိုင်းပါနဲ့။ စက်သတ်ပြီး အနည်းဆုံး ၅ မိနစ်ကနေ ၁၀ မိနစ်ခန့် စောင့်ပါ (အပေါ်ရောက်နေတဲ့ ဆီတွေ အောက်ခြေ Crankcase ထဲ အကုန်ပြန်ကျဖို့ အချိန်ပေးရပါမယ်)
​၃. တိုင်းတံကို ဆွဲထုတ်ပြီး သန့်ရှင်းအောင် သုတ်ပါ
Dipstick (တိုင်းတံ) ကို ပထမတစ်ကြိမ် ဆွဲထုတ်ပြီး အဝတ်ခြောက် သို့မဟုတ် တစ်ရှူးနဲ့ ဆီစင်အောင် အရင်သုတ်ပစ်ပါ။
​၄. တိုင်းတံကို အဆုံးထိ ပြန်ထည့်ပြီး ပြန်ဆွဲထုတ်ပါ
ဒီတစ်ကြိမ် ပြန်ဆွဲထုတ်လိုက်တဲ့အချိန်မှာ ပြသတဲ့ ဆီအမှတ်အသားဟာ အမှန်ဆုံးဖြစ်ပါတယ်။
​၅. ဆီပမာဏနဲ့ အရောင်ကို စစ်ဆေးပါ
ပမာဏ (Level) : ဆီမျက်နှာပြင်ဟာ F (Full / အမြင့်စက်) နဲ့ L (Low / အနိမ့်စက်) ကြား (သို့မဟုတ် အမှတ်နှစ်ခုကြား) မှာ ရှိရပါမယ်။ L အောက် ရောက်နေရင် ချက်ချင်း ဆီဖြည့်ပေးပါ။
အရောင် (Quality) : ရွှေဝါရောင် သို့မဟုတ် ပယင်းရောင်ကြည်ကြည် ဖြစ်ရပါမယ်။ မည်းနက်ပြီး မီးသွေးခဲလို အကျဲအပျစ် ပျက်နေရင်တော့ ဝိုင်ချက်ချင်းလဲဖို့ အချိန်တန်ပါပြီ။
​💡 အဓိကအချက်
​အင်ဂျင်ဝိုင် စစ်ဆေးဖို့ အချိန် ၃ မိနစ်ပေးတာဟာ နောင်မှာ သိန်းဆယ်ဂဏန်း ကုန်ကျမယ့် အင်ဂျင်ပြုပြင်စရိတ်ကို ကြိုတင်ကာကွယ်လိုက်တာပါပဲ။
Credit to Delight Tech