ရန်ကုန်မှာ ကားဝှီးတက် လိုင်စင်နဲ့ နံပါတ်ပြားတွေ အခိုးခံရမှု များလာ

ရန်ကုန်မှာ ကားဝှီးတက် လိုင်စင်နဲ့ နံပါတ်ပြားတွေ အခိုးခံရမှု များလာ
ရန်ကုန်၊ စက်တင်ဘာ ၂၃
ရန်ကုန်မှာ ကားပစ္စည်းတွေအပြင် ကားဝှီးတက် လိုင်စင်နဲ့ ယာဉ်နံပါတ်ပြားတွေ အခိုးခံရတဲ့ ဖြစ်စဉ်တွေ များလာနေပါတယ်။
အထူးသဖြင့် လိုင်စင်မဲ့ယာဉ်တွေ အများဆုံး ဖြစ်တဲ့ Honda fit Shuttles အမျိုးအစားတွေ၊ Alphard ကား‌တွေနဲ့ Toyota Crown အမျိုးအစားကားတွေ ပါ။
၂၀၂၆ ခုနှစ် စက်တင်ဘာလ ၂၃ ရက်နေ့ မနတ် ၃ နာရီ ၄၀ မီနစ်‌မှာ အိမ်ရှေ့ရပ်ထားတဲ့ ကားကို လူနှစ်ယောက် ကားဘေးတံခါးမှန်ကို ခွဲပြီး ကားအတွင်းမှ Wheel Tax နှင့် Security Camera (Dashboard Cam) ကို ဖြုတ်ယူသွားခဲ့တယ် လို့ အခိုးခံရသူက ဆိုပါတယ်။
ဒါကြောင့် ကားပိုင်ရှင်တွေအနေနဲ့ ကဝှီးတက် လိုင်စင်တွေကို ကားထဲ မထားပဲ တပါတည်းယူဆောင်သွားသင့်တယ် လို့ ဆိုပါတယ်။
ကားယာဉ်နံပါတ်တွေ အခိုးခံရမှုအများဆုံးက Honda Fit ကားတွေ ဖြစ်ပြီး ကားတွေအများကြီး ရှိရင်တောင် ဒီကားတွေပဲ အခိုးခံရတာ လို့ ဆိုပါတယ်။
လိုင်စင်နံပါတ်ပြားတွေဟာ လိုင်စင်မဲ့ကားတွေမှာ တပ်ဆင်ထားဖို့ ခိုးနေကြတာ ဖြစ်ပြီး ဈေးကွက်မှာလည်း ကျပ် ၅ သိန်းကနေ ၁၀ သိန်းကြားအထိ ရှိနေပါတယ်။
အတုတွေ တပ်ဆင်တာထက် ယာဉ်နံပါတ်ပြားအစစ်တွေ၊ ဝှီးတက်အစစ်တွေ ‌ဆောင်ထားတာက ပိုအဆင်ပြေနေတာပါ။
ရှမ်းပြည်တောင်ပိုင်းလို နယ်တွေ၊ ဌာနဆိုင်ရာ ဝန်ထမ်းတွေဟာ Honda fit ကား လိုင်စင်မဲ့တွေကို အများဆုံးအသုံးပြုနေကြတာမို့ ဝှီးတက်တွေနဲ့ နံပါတ်ပြားတွေဟာ ဈေးကွက် ရှိနေတာပါ။
ဝှီးတက်တွေကို ကားထဲမထည့်ထားသင့်တော့ပဲ သူခိုးတွေဟာ ဝှီးတက်တွေ့ရင် နံပါတ်ပြားပါ ယူသွားကြပြီး ဝှီးတက်မတွေ့ရင်တော့ မယူကြဘူးလို့ သတိပေးထာပါတယ်။
ဆို‌တော့ ကိုယ့်ကားက Honda fit, Alphard, Crown, Mark II , Hijet နဲ့ Probox အမျိုးအစားတွေ ဖြစ်ရင် တက်နိုင်သမျှ ဝှီးတက်တွေကို သိမ်းယူထားသင့်ပါတယ်။
by Myanmar business Insider