Li Auto ရဲ့ Solid-State Battery ကို 2027–2028 မှာ စမ်းသပ်တပ်ဆင်မယ်

တရုတ် EV ထုတ်လုပ်သူ Li Auto က Solid-State Battery (SSB) နည်းပညာကို 2027 သို့မဟုတ် 2028 ခုနှစ်မှာ ကားအနည်းငယ်နဲ့ Small-batch အနေနဲ့ စတင်တပ်ဆင်စမ်းသပ်သွားမယ်လို့ သိရပါတယ်။
Li Auto ရဲ့ Traction Battery Senior Director Liu Zhimin က Solid-State Battery နည်းပညာအတွက် အခြေခံပြင်ဆင်မှုတွေကို တက်ကြွစွာလုပ်ဆောင်နေပြီလို့ ပြောထားပါတယ်။
ဒါပေမယ့် ကားတွေမှာ အရည်အသွေးတည်ငြိမ်ပြီး Mass Production လုပ်နိုင်ဖို့ကတော့ နောက်ထပ် ၅ နှစ်ခန့် လိုအပ်နိုင်တယ် လို့ ဆိုပါတယ်။ အဲဒီအတိုင်းဆိုရင် Li Auto ရဲ့ Solid-State Battery ပါတဲ့ Mass Production ကားတွေဟာ 2032–2033 ဝန်းကျင် မှာ စျေးကွက်ထဲ ရောက်လာနိုင်ပါတယ်။
Solid-State Battery ဖွံ့ဖြိုးရာမှာ အဓိကစိန်ခေါ်မှုတွေကတော့
Battery သက်တမ်း
အားသွင်းမြန်နှုန်း
ထုတ်လုပ်မှုကုန်ကျစရိတ်
တို့ဖြစ်ပါတယ်။
Li Auto ဟာ လက်ရှိမှာလည်း ကိုယ်ပိုင် Battery နည်းပညာကို ဖွံ့ဖြိုးနေပြီး L6၊ L8 နဲ့ i8 မော်ဒယ်တွေမှာ ကိုယ်ပိုင် Battery Pack တွေကို အသုံးပြုထားပါတယ်။
အတိုချုပ်ပြောရရင် — 2027/28 မှာ စမ်းသပ်တပ်ဆင်မှု စတင်နိုင်ပေမယ့် Solid-State Battery ကို အများအပြားထုတ်လုပ်ပြီး ကားတွေမှာ ပုံမှန်အသုံးပြုနိုင်ဖို့ကတော့ 2032/33 ဝန်းကျင်အထိ စောင့်ရနိုင်ပါတယ်။
Credit to EVAN Automobile