Apple ကားစီမံကိန်း (Project Titan) ကို ဆယ်စုနှစ်တစ်ခုကြာပြီးမှ ဘာကြောင့် ရပ်ဆိုင်းခဲ့တာလဲ?

Apple ကားစီမံကိန်း (Project Titan) ကို ဆယ်စုနှစ်တစ်ခုကြာပြီးမှ ဘာကြောင့် ရပ်ဆိုင်းခဲ့တလဲ?
ဘယ်လောက်ပဲ နည်းပညာကြီးတဲ့ Apple ဖြစ်ပါစေဦး၊
တချို့ကိစ္စတွေကျတော့လည်း အကောင်အထည်မပေါ်လာဘဲ လမ်းခွဲရတတ်တာပါပဲ 🤖
လူတွေ အများကြီး စောင့်မျှော်နေကြတဲ့ Project Titan ဆိုတဲ့ Apple Car လျှပ်စစ်ကားစီမံကိန်းကြီးကို ဆယ်စုနှစ်တစ်ခုတောင် အချိန်ကုန်၊ လူပင်ပန်း ငွေတွေအများကြီး ရင်းနှီးပြီးမှ
၂၀၂၄ ခုနှစ် ဖေဖော်ဝါရီလမှာ တရားဝင် ရပ်ဆိုင်းလိုက်ပါတယ်။
ဒီလောက်ကြီးမားတဲ့ အိပ်မက်ကြီးကို Apple ဘက်က ဘာလို့ လက်လျှော့လိုက်ရတာလဲဆိုတာ စဉ်းစားစရာ ဖြစ်လာပါတယ်။ 📉
ပထမဆုံး တစ်ချက်ကတော့ လုပ်ငန်းရဲ့ အကျိုးအမြတ်ပါပဲ 💰
Apple ရဲ့ ထုံးစံက ပစ္စည်းတစ်ခု ထုတ်ပြီဆိုရင် အမြတ်အစွန်း (Profit Margin) က အများကြီး ထွက်မှ ကြိုက်တဲ့ကုမ္ပဏီလေ။
ဒါပေမဲ့ ကားထုတ်လုပ်ရေးလောက ဆိုတာက ဝင်ငွေသာများတာ ကုန်ကျစရိတ်က အမြဲတမ်း ကြီးမားနေပြီး ရတဲ့အမြတ်ရာခိုင်နှုန်းက နည်းပါတယ်။
Apple ရဲ့ စံချိန်စံညွှန်းနဲ့ ကိုက်မယ့် အမြတ်အစွန်းမျိုး ဒီကားဈေးကွက်ထဲမှာ မရနိုင်ဘူးဆိုတာကို တဖြည်းဖြည်း သဘောပေါက်လာကြတာပါ။ 📊
နောက်တစ်ခုက နည်းပညာပိုင်းရဲ့ ခေါင်းခဲစရာ အဆင့်အတန်းပါ။
မူလက စတီယာရင်တောင် လုံးဝမပါဘဲ အစစအရာရာ ကိုယ်တိုင်မောင်းပေးမယ့် (Level 5 Full Autonomy) ကားမျိုး ထုတ်ဖို့ ရည်မှန်းခဲ့ကြတာပါ။
ဒါပေမဲ့ လက်တွေ့မှာ အာရုံခံကိရိယာတွေ၊ AI နည်းပညာတွေနဲ့ လမ်းမပေါ်က တကယ့်ဥပဒေပိုင်းဆိုင်ရာ လုံခြုံရေးစံနှုန်းတွေနဲ့ ချိန်ကိုက်တဲ့အခါကျတော့ လိုချင်သလို ဖြစ်မလာဘဲ
အလွန်တရာ ခက်ခဲရှုပ်ထွေးနေမှန်း သိလာရပါတယ်။
နောက်ပိုင်းမှာ ရည်မှန်းချက်တွေကို လျှော့ချပြီး သမားရိုးကျကားလိုမျိုး ပြောင်းထုတ်ဖို့ စဉ်းစားခဲ့ကြပေမဲ့ အချိန်တွေက တော်တော် နောက်ကျနေခဲ့ပါပြီ။ ⚙️
ဒါ့အပြင် အချိန်အခါအရ ပြောင်းလဲလာတဲ့ အခြေအနေတွေကလည်း အများကြီး သက်ရောက်ပါတယ်။
၂၀၂၃ နောက်ပိုင်းမှာ ကမ္ဘာပေါ်မှာ Generative AI နည်းပညာတွေ ရေပန်းစားလာတဲ့အခါ Apple ဟာလည်း ဦးစားပေးရချက်တွေကို ချက်ချင်းပြောင်းလိုက်ပါတယ်။
ကားစီမံကိန်းဘက်က အင်ဂျင်နီယာတွေနဲ့ ဘတ်ဂျက်တွေကို ဆွဲထုတ်ပြီး Apple Intelligence ဘက်ကို အလုံးစုံ အာရုံစိုက် မြှုပ်နှံပစ်လိုက်ပါတယ်။
အဲ့ဒီအထဲမှာမှ ကားစီမံကိန်း သက်တမ်းတစ်လျှောက်လုံး ဦးဆောင်မယ့်သူတွေကလည်း အလွန်အမင်း မကြာခဏ အပြောင်းအလဲဖြစ်နေတော့
ဒီဇိုင်းကအစ ရည်မှန်းချက်တွေအစ အမြဲလိုလို ပြောင်းလဲနေပြီး တည်ငြိမ်တဲ့ ခရီးတစ်ခုကို မသွားနိုင်ခဲ့ပါဘူး။ 🧠
နောက်ဆုံး အဓိက အချက်တစ်ခုကတော့ ဈေးကွက်အခြေအနေပါပဲ။
စီမံကိန်းကို ရပ်လိုက်တဲ့အချိန်မှာ တစ်ကမ္ဘာလုံးအတိုင်းအတာနဲ့ EV ကားတွေအပေါ် ဝယ်သူတွေရဲ့ စိတ်ဝင်စားမှုက အရင်လို မဟုတ်တော့ဘဲ နှေးကွေးလာပါတယ်။
Tesla အစ ပြိုင်ဘက် ကြီးတွေတောင် ဈေးနှုန်းတွေ လျှော့ချပြီး ရုန်းကန်နေရချိန်မှာ Apple အနေနဲ့ နောက်ကျပြီးမှ ဝင်လာပြီး အပင်ပန်းခံနေဖို့ မတန်တော့ဘူးလို့ ဆုံးဖြတ်လိုက်ပုံပါပဲ 🔋
by CarsDB