Yaung Ni Oo ကုမ္ပဏီမှ DFSK Brand ဖြစ်သည့် K01S နှင့် K02S Pickup Truck အမျိုးအစား မိတ်ဆက်ပွဲအခမ်းအနား
K01S Single Cabin Pickup Truck သည် နှစ်ယောက်စီး Pickup Truck ကားအမျိုးအစားဖြစ်ပြီး ကုန်တင်ခန်းဧရိယာ အကျယ်ဆုံးရယူလိုသည့် စီးပွားရေးလုပ်ငန်းများအတွက် သီးသန့်ရည်ရွယ်ထားခြင်းဖြစ်ကာ 1.2L ဓာတ်ဆီအင်ဂျင်ကို အသုံးပြုထားသောကြောင့် မြို့တွင်းမြို့ပြင် ကုန်သယ်ယူရာ၌ ဆီစားသက်သာစေသည်။
ယင်းအပြင် အရှည် ၂၇၀၀ မီလီမီတာရှိသည့် ကုန်တင်နေရာပါဝင်သဖြင့် ကုန်ပစ္စည်းများများနှင့် အခေါက်ရေနည်းနည်း တင်ဆောင်နိုင်ကာ တစ်တန်နီးပါး စိတ်ချစွာကုန်တင်နိုင်ကြောင်း၊ RWD နောက်ဘီးမောင်းစနစ်နှင့် အနောက်ဘက် Leaf Springs စနစ်ပါသဖြင့် ကုန်ပစ္စည်းများကို ငြိမ်သက်စွာသယ်ယူနိုင်ကြောင်း သိရသည်။
K02S Double Cabin Pickup Truck သည် ငါးယောက်စီး Pickup Truck ကားအမျိုးအစားဖြစ်ပြီး ဝန်ထမ်းသယ်ယူစရိတ်နှင့် ကုန်ပစ္စည်းတင်ဆောင်မှုကို တစ်ပြိုင်နက်ပြုလုပ်လိုသည့် လုပ်ငန်းရှင်များအတွက် အဆင်ပြေမည့် ယာဉ်တစ်စီးဖြစ်ကြောင်း သိရသည်။
1.2L ဓာတ်ဆီအင်ဂျင်၊ 5 Speed Manual Transmission ဂီယာစနစ်ကို တွဲဖက်ထားသဖြင့် ဝန်အပြည့်တင်ဆောင်ချိန်တွင် ရုန်းအားကောင်းမွန်စွာမောင်းနှင်နိုင်ကြောင်း သိရသည်။
ထို့ပြင် ဝန်ထမ်းငါးဦး တင်ဆောင်နိုင်ပြီး အရှည် နှစ်ထောင်မီလီမီတာရှိသည့် ကုန်တင်ဘောက်ပါရှိကာ ကုန်ပစ္စည်း တစ်တန်နီးပါး စိတ်ချစွာတင်ဆောင်နိုင်ပြီး RWD နောက်ဘီးမောင်းစနစ်နှင့် အနောက်ဘက် Leaf Springs စနစ်ပါသဖြင့် ကုန်ပစ္စည်းများကို ငြိမ်သက်စွာသယ်ယူနိုင်ကြောင်း သိရသည်။
Yaung Ni Oo Automobile Co., Ltd မှ DFSK Brand ဖြစ်သည့် K01S Single Cabin Pickup Truck နှင့် K02S Double Cabin Pickup Truck တို့ကို Authorized Sales & Service Center ဖွင့်လှစ်ထားကြောင်း သိရသည်။
Yaung Ni Ni Oo Automobile Co.,Ltd. သည် After Sale Service လုပ်ငန်းများကို ၂၀၁၅ ခုနှစ်ကတည်းက စတင်လုပ်ဆောင်ခဲ့ပြီး ၂၀၂၆ ခုနှစ်တွင် Standard Solutions Service Center ကို စတင်တည်ထောင်ခဲ့သည်။
Standard Solutions Service Center သည် Yaung Ni Oo Co., Ltd ၏ တင်သွင်းသမျှ Brand တိုင်းအတွက် Authorized Service Center တစ်ခုလည်းဖြစ်ပါသည်။
DFSK သည် ၂၀၀၃ ခုနှစ်မှ စတင်ခဲ့ပြီး နိုင်ငံပေါင်း ၇၀ ခန့်တွင် ဖြန့်ဖြူးရောင်းချလျက်ရှိပြီး DFSK သည် MPV, SUV, Crossover, Ev, commercial စသည့် Car Segment အစုံအလင်ကို ထုတ်လုပ်ဖြန့်ဖြူးရောင်းချလျက်ရှိသည်။
Yaung Ni Oo Automobile Co.,Ltd သည် မြန်မာ့မော်တော်ကားလောကတွင် နှစ်ပေါင်းဆယ်စုနှစ်ကျော် တည်ဆောက်ထားသော ယုံကြည်မှုကို ရရှိထားသည့် ကုမ္ပဏီတစ်ခုဖြစ်ကြောင်းသိရသည်။
credit to Eleven Media Group



