၂၀၂၇ တွင် ID.4 နှင့် ID.5 နေရာကို အစားထိုးမည့် Volkswagen ID. Tiguan လျှပ်စစ် SUV သစ် စတင်ထုတ်လုပ်ပြီ

Volkswagen ID. Tiguan လျှပ်စစ် SUV သစ် စတင်ထုတ်လုပ်နေပြီ၊ 2027 မှာ ID.4 နေရာကို အစားထိုးဝင်ရောက်လာမည်
Volkswagen ဟာ ကမ္ဘာတစ်ဝန်း ရောင်းအားအကောင်းဆုံး SUV မော်ဒယ်တွေထဲက တစ်ခုဖြစ်တဲ့ Tiguan ကို လျှပ်စစ်ကား (EV) အဖြစ် ပြောင်းလဲထုတ်လုပ်လိုက်ပြီဖြစ်ပါတယ်။
Volkswagen ID. Tiguan လို့ အမည်ပေးထားတဲ့ လျှပ်စစ် SUV သစ်ကို ဂျာမနီနိုင်ငံ Emden စက်ရုံမှာ Series Production စတင်နေပြီဖြစ်ပြီး 2027 ခုနှစ်မှာ လက်ရှိ ID.4 နဲ့ ID.5 တို့ရဲ့နေရာကို အစားထိုးဝင်ရောက်လာမှာ ဖြစ်ပါတယ်။
ဒီဇိုင်းပိုင်းနှင့် အတွင်းခန်း
ID. Tiguan ဟာ Volkswagen ရဲ့ “Pure Positive” Design Language ကို အသုံးပြုထားပြီး အပြင်ပိုင်းနဲ့ အတွင်းပိုင်းဒီဇိုင်းကို အပြောင်းအလဲကြီးကြီးမားမား ပြုလုပ်ထားပါတယ်။
ရိုးရာ SUV ပုံစံကို ပိုမိုထင်ရှားစေတဲ့ Boxy Design ကျယ်ဝန်းပြီး ခပ်ထောင့်ထောင့်ပုံစံ Front Design Flush Door Handle အစား ရိုးရာ Pull-style Door Handle များ အသုံးပြုထားခြင်း
10-inch Digital Cockpit
15-inch Central Infotainment Displa
ရွေးချယ်နိုင်မယ့် 12-inch Passenger Display
ထူးခြားချက်တစ်ခုကတော့ သုံးစွဲသူတွေရဲ့ တုံ့ပြန်ချက်တွေကို ထည့်သွင်းစဉ်းစားပြီး Physical Buttons တွေကို ပြန်လည်ထည့်သွင်းပေးထားခြင်း ဖြစ်ပါတယ်။ Center Display အောက်ပိုင်းနဲ့ Steering Wheel မှာ Climate Control အပါအဝင် လုပ်ဆောင်ချက်အချို့ကို ခလုတ်တွေနဲ့ တိုက်ရိုက်ထိန်းချုပ်နိုင်မှာပါ။
Retro Mode လည်း ပါဝင်လာမည်
Volkswagen ရဲ့ ဂန္ထဝင်မော်ဒယ်တွေကို အမှတ်ရစေဖို့ Retro Mode အသစ်ကိုလည်း ထည့်သွင်းပေးထားပါတယ်။
ဒီ Feature ကို အသုံးပြုလိုက်ရင် Digital Cockpit နဲ့ Center Display တို့ရဲ့ ပုံစံကို ပထမမျိုးဆက် Golf မော်ဒယ်ရဲ့ Dashboard ဒီဇိုင်းပုံစံအတိုင်း ပြောင်းလဲအသုံးပြုနိုင်မှာ ဖြစ်ပါတယ်။
ဒါ့အပြင် Infotainment Screen ပေါ်က Virtual Garage မှာလည်း Golf I, Golf II Country, Golf IV, Tiguan I, Race Touareg နဲ့ Beetle စတဲ့ ဂန္ထဝင် Volkswagen ကားမော်ဒယ် ၆ မျိုးကို ရွေးချယ်ပြသနိုင်မှာပါ။
Battery နှင့် Performance
Volkswagen ID. Tiguan ကို Battery Pack နှစ်မျိုးနဲ့ Performance အဆင့်သုံးမျိုး ရွေးချယ်နိုင်အောင် ထုတ်လုပ်ထားပါတယ်။
Standard RWD
Motor Power – 140 kW (190 PS)
Battery Capacity – 58 kWh
Long Range RWD
Motor Power – 210 kW (286 PS)
Battery Capacity – 77 kWh
Performance AWD (4MOTION)
Motor Power – 220 kW (299 PS)
Battery Capacity – 77 kWh
Configuration အပေါ်မူတည်ပြီး WLTP စံနှုန်းအရ အများဆုံးမောင်းနှင်နိုင်တဲ့အကွာအဝေးမှာ 607 km (377 miles) အထိ ရရှိနိုင်ပါတယ်။
ဈေးနှုန်းနှင့် ရောင်းချမည့်အခြေအနေ
Volkswagen ID. Tiguan အတွက် ဂျာမနီနိုင်ငံနဲ့ ဥရောပဈေးကွက်အချို့မှာ 2026 ခုနှစ် အောက်တိုဘာလကတည်းက ကြိုတင်မှာယူမှုတွေ စတင်လက်ခံနေပြီဖြစ်ပါတယ်။
စတင်ဈေးနှုန်းကတော့ €42,695 (အမေရိကန်ဒေါ်လာ $47,800 ဝန်းကျင်) ဖြစ်ပြီး Trend, Life နဲ့ Style ဆိုတဲ့ Trim Level သုံးမျိုး ရွေးချယ်နိုင်မှာပါ။
အမေရိကန်ဈေးကွက်အတွက် တရားဝင်ဈေးနှုန်းကိုတော့ မကြေညာသေးပါဘူး။ လက်ရှိ ID.4 ထက် WLTP Range 40 km ဝန်းကျင် ပိုမိုရရှိလာတာကြောင့် EPA စံနှုန်းအရလည်း မိုင် 300 ကျော် မောင်းနှင်နိုင်မယ်လို့ ခန့်မှန်းထားပါတယ်။
Volkswagen ဟာ နံပါတ်အခြေပြု ID.4, ID.5 အမည်ပေးစနစ်ကနေ လူသိများပြီးသား Tiguan အမည်ကို လျှပ်စစ်ကားမျိုးဆက်သစ်မှာ ပြန်လည်အသုံးပြုလာတာ ဖြစ်ပါတယ်။
ID. Tiguan ဟာ Volkswagen ရဲ့ ရိုးရာ SUV ဒီဇိုင်း၊ ခေတ်မီ EV နည်းပညာနဲ့ အသုံးပြုရလွယ်ကူတဲ့ Interior Design တို့ကို ပေါင်းစပ်ထားတဲ့ လျှပ်စစ် SUV အသစ်တစ်စီး ဖြစ်လာပါတယ်။
credit to EVAN Automobile