ကားဘရိတ် အသံထွက်ရခြင်း အကြောင်းရင်းများနှင့် ဖြေရှင်းနည်းများ

ဘရိတ် နင်းတိုင်း အသံထွက်နေရင် ဘာဖြစ်တာလဲ
ကားမောင်းနေစဉ် Brake နင်းလိုက်တိုင်း "ကျီ...ကျီ...", "စူး...", "ကြိတ်...", "ဂုတ်...ဂုတ်..." ဆိုတဲ့ အသံတွေ ထွက်လာတာကို လူအများစုက ပုံမှန်ပဲလို့ ထင်တတ်ကြပါတယ်။
တကယ်တော့ Brake အသံထွက်ခြင်းဟာ Brake System ကသတိပေးနေတဲ့ လက္ခဏာတစ်ခု ဖြစ်နိုင်ပါတယ်။ တချို့အသံတွေက သန့်ရှင်းရေးလုပ်ရုံနဲ့ ဖြေရှင်းနိုင်ပေမယ့်၊ တချို့ကတော့ Brake Pad၊ Disc Rotor၊ Caliper စတဲ့ အစိတ်အပိုင်းတွေ ပျက်စီးနေတဲ့ အချက်ပြ ဖြစ်နိုင်ပါတယ်။
၁။ Brake Pad ကုန်နေခြင်း (Brake Pad Wear)
Brake အသံထွက်ရတဲ့ အများဆုံးအကြောင်းရင်းက Brake Pad ကုန်နေခြင်း ဖြစ်ပါတယ်။
Brake Pad အများစုမှာ Wear Indicator လို့ခေါ်တဲ့ သတ္တုပြားလေးတစ်ခု ပါဝင်ပါတယ်။ Pad ပါးသွားတဲ့အခါ ဒီသတ္တုပြားက Disc Rotor ကို ထိပြီး "ကျီ...ကျီ..." ဆိုတဲ့ အသံထွက်လာပါတယ်။
လက္ခဏာများက
- Brake နင်းတိုင်း အသံထွက်တယ်။
- အသံက အမြန်နှုန်းနည်းတဲ့အချိန် ပိုကြားရတယ်။
- Brake အုပ်နိုင်အား ကျဆင်းလာတယ်။
- Brake Dust များလာတယ်။
မလဲဘဲ ဆက်မောင်းရင်
- Rotor ပျက်စီးနိုင်တယ်။
- Brake အုပ်အား ကျဆင်းလာနိုင်တယ်။
- ပြင်ဆင်စရိတ် ပိုများလာနိုင်ပါတယ်။
၂။ Brake Disc Rotor မျက်နှာပြင် မညီတော့ခြင်း
Rotor ပေါ်မှာ
- အပူလွန်ကဲခြင်း
- အစားခံခြင်း
- Groove ဖြစ်ခြင်း
- Warp (ကောက်ခြင်း)
တွေ ဖြစ်လာရင် Brake နင်းတဲ့အခါ အသံထွက်နိုင်ပါတယ်။
ကြုံရမည့်လက္ခဏာတွေက
- Brake နင်းရင် စတီယာရင်တုန်တယ်။
- Pedal တုန်တယ်။
- အသံထွက်တယ်။
ဖြေရှင်းနည်းတွေက
Rotor Thickness ကို တိုင်းတာပါ။
Specification ထက် ပါးနေပြီဆိုရင် Rotor အသစ်လဲသင့်ပါတယ်။
၃။ Brake Pad နဲ့ Rotor ကြားမှာ ကျောက်မှုန့်၊ သဲမှုန့် ဝင်နေခြင်း
- ဖုန်ထူတဲ့လမ်း
- ကျောက်စရစ်လမ်း
- ဆောက်လုပ်ရေးနေရာ
တွေမှာ မောင်းပြီးနောက် သဲမှုန့်၊ ကျောက်စလေးတွေ Brake ထဲဝင်သွားရင် Brake နင်းတဲ့အခါ စူးရှတဲ့အသံ ထွက်နိုင်ပါတယ်။
ဒီလိုအခြေအနေမှာ Brake System ကို ဖြုတ်ပြီး သန့်ရှင်းရေးလုပ်ပေးရင် အများအားဖြင့် ပြန်ကောင်းနိုင်ပါတယ်။
၄။ Brake Pad အရည်အသွေး မကောင်းခြင်း
ဈေးသက်သာတဲ့ Brake Pad တချို့ဟာ
- သတ္တုပါဝင်မှုများလွန်းတယ်။
- အပူခံနိုင်ရည်နည်းတယ်။
- Compound မကောင်းဘူး။
ဒါကြောင့် Brake အသံ အမြဲထွက်နိုင်ပါတယ်။
အရည်အသွေးကောင်းတဲ့ Brake Pad ကို အသုံးပြုတာက အသံလည်းလျော့စေပြီး Brake စွမ်းဆောင်ရည်ကိုလည်း ပိုကောင်းစေပါတယ်။
၅။ Brake Caliper ချောင်ခြင်း သို့မဟုတ် Jam ဖြစ်ခြင်း
Caliper Slide Pin တွေ
- ချေးတက်ခြင်း
- Grease ခြောက်ခြင်း
- Jam ဖြစ်ခြင်း
တို့ကြောင့် Brake Pad က Rotor ကို မညီမညာ ဖိနေပြီး အသံထွက်နိုင်ပါတယ်။
ကြုံရမည့်လက္ခဏာတွေက
- ကားတစ်ဖက်ကို ဆွဲသလိုဖြစ်တယ်။
- Brake ပူလွယ်တယ်။
- Brake Pad တစ်ဖက်တည်း စားတယ်။
၆။ Brake Hardware မကောင်းခြင်း
Brake Clip
Anti-rattle Clip
Shimတွေ ပျက်စီးနေတဲ့အခါ Brake နင်းတဲ့အချိန် ဂုတ်...ဂုတ်...၊ ခေါက်...ခေါက်... ဆိုတဲ့ အသံမျိုး ထွက်တတ်ပါတယ်။
Brake Pad လဲတဲ့အချိန် Hardware Kit ကိုပါ စစ်ဆေးပြီး လိုအပ်ရင် တစ်ခါတည်း လဲပေးသင့်ပါတယ်။
၇။ Brake အသစ်တပ်ပြီး Bedding-in မလုပ်ခြင်း
Brake Pad အသစ်တပ်ပြီးတာနဲ့ ပြင်းပြင်းထန်ထန် Brake အုပ်တာ၊ အရှိန်မြင့်မောင်းတာတွေကြောင့် Pad နဲ့ Rotor မျက်နှာပြင် မကိုက်သေးခင် အသံထွက်နိုင်ပါတယ်။
အစပိုင်းမှာ ညင်သာစွာ Brake အသုံးပြုပြီး Pad နဲ့ Rotor ကို အချိန်ပေး ကိုက်ညီအောင် လုပ်ပေးသင့်ပါတယ်
လက်တွေ့ Workshop မှာ စစ်ဆေးသင့်တဲ့ အချက်များ
- Brake Pad Thickness တိုင်းတာပါ။
- Rotor Thickness နှင့် Runout စစ်ပါ။
- Caliper Slide Pin ချောဆီစစ်ပါ။
- Brake Shim နှင့် Clip မပျောက်ပါစေ နဲ့။
- Brake Fluid အခြေအနေ စစ်ပါ။
- Wheel Bearing ချောင်မချောင် စစ်ပါ။
- Torque Specification အတိုင်း Wheel Nut တင်းထားခြင်း ရှိ/မရှိ စစ်ပါ။
Brake အသံထွက်တာကို လျစ်လျူမရှုသင့်ပါ
Brake က ကားရဲ့ အရေးကြီးဆုံး လုံခြုံရေးစနစ်တစ်ခု ဖြစ်ပါတယ်။
အသံထွက်တာကို ပုံမှန်လို့ ထင်ပြီး ဆက်မောင်းနေမယ်ဆိုရင်
- Brake Pad ကုန်သွားနိုင်တယ်။
- Rotor ပျက်စီးနိုင်တယ်။
- Brake Distance ပိုရှည်လာနိုင်တယ်။
- အရေးပေါ်အခြေအနေမှာ ကားကို အချိန်မီမရပ်နိုင်တော့တဲ့ အန္တရာယ်အထိ ဖြစ်နိုင်ပါတယ်။
by AutoMechanicBook Admin