ကမ္ဘာ့စံချိန်တင်အောင် အကြမ်းခံခဲ့တဲ့ ၁၉၆၆ Volvo ကားအိုကြီးရဲ့ လျှို့ဝှက်ချက်

ကားတစ်စီးကို မိုင် ၁ သန်းပြည့်အောင် မောင်းဖို့ဆိုတာ တော်ရုံဂရုစိုက်ရုံနဲ့ မရဘူးဆိုတာ ကားသမားတိုင်း သိပြီးသားပါဗျာ
ဒါပေမဲ့ အမေရိကန်နိုင်ငံက Irv Gordon ဆိုတဲ့ အမျိုးသားကြီးကတော့ သူ့ရဲ့ ၁၉၆၆ ထုတ် Volvo P1800 ကားလေးတစ်စီးတည်းနဲ့တင် မိုင်ပေါင်း (၃.၂) သန်းအထိ စံချိန်တင် မောင်းနှင်ပြသွားခဲ့ပါတယ်
ဒီအကွာအဝေးဟာ ကမ္ဘာကြီးကို အကြိမ် ၁၂၀ ပတ်လို့ရသလို လကမ္ဘာဆီကို ၆ ခေါက် ခေါက်တုံ့ခေါက်ပြန် သွားလို့ရတဲ့အထိ မယုံနိုင်စရာ စံချိန်ကြီးပါပဲ
ဒီလောက်အထိ အကြမ်းခံပြီး စံချိန်တင်ခဲ့ရတဲ့ လျှို့ဝှက်ချက်ကတော့ Volvo ရဲ့ ခိုင်ခံ့တဲ့ အင်ဂျင်တည်ဆောက်ပုံအပြင် ပိုင်ရှင်ဖြစ်သူရဲ့ စနစ်တကျ ဂရုစိုက်မှုကြောင့်ပါပဲ
အဓိကကတော့ အင်ဂျင်ဝိုင်ကို မိုင် ၃,၀၀၀ ကနေ ၃,၅၀၀ ပြည့်တိုင်း တစ်ကြိမ်မှ မပျက်ကွက်ဘဲ ပုံမှန်လဲလှယ်ပေးတာ၊ မောင်းရတာ ငြိမ့်ညောင်းအောင် ထိန်းမောင်းတာနဲ့ အစိတ်အပိုင်းလေးတွေ ပျက်စီးတာနဲ့ ချက်ချင်း အသစ်လဲလှယ်ပေးခဲ့လို့ပါပဲ
တကယ့်ကို ကားတစ်စီးရဲ့ သက်တမ်းဆိုတာ ထုတ်လုပ်တဲ့ ကုမ္ပဏီရဲ့ အရည်အသွေးနဲ့ မောင်းနှင်သူရဲ့ ဂရုစိုက်မှုပေါ်မှာ လုံးဝမူတည်နေတယ်ဆိုတာကို သက်သေပြသွားခဲ့တဲ့ ကမ္ဘာ့အကြမ်းဆုံး Volvo ကားကြီးပဲ ဖြစ်ပါတယ်

(CarsDB Team မှ ရေးသား ဖော်ပြသည်။)
Credit: CarsDB.com