ရာသီဥတုပူပြင်းချိန် ကားဘီးမပေါက်ရအောင် မဖြစ်မနေ လိုက်နာရမည့် ဆောင်ရန်/ရှောင်ရန်များ

ရာသီဥတု ပူပြင်းလာတာနဲ့အမျှ လမ်းပေါ်မှာ ကားဘီးပေါက်တာ၊ ဘီးပေါက်ပြီး မတော်တဆဖြစ်တာတွေကို ပိုမိုတွေ့မြင်ရလေ့ရှိပါတယ်။
အပူချိန် မြင့်မားချိန်မှာ ကားဘီးတွေ ဘာကြောင့် ပေါက်တတ်သလဲ? ဒီအန္တရာယ်ကနေ ကင်းဝေးအောင် ဘယ်လို ကြိုတင်ကာကွယ်မလဲ?
⚠️ ဘာကြောင့် အပူချိန်မြင့်ချိန်မှာ ကားဘီးပေါက်လွယ်တာလဲ?
လေဖိအား မြင့်တက်ပြီး လမ်းမအပူချိန်နှင့် ပွတ်တိုက်မှု များတာကြောင့် ကားဘီးပွင့်ထွက်ပြီး ပေါက်လွယ်တာဖြစ်ပါတယ်။
🛡️ ကားဘီးမပေါက်အောင် ဘယ်လို ကြိုတင်ကာကွယ်မလဲ?
🔹 လေဖိအား မှန်မှန်စစ်ပါ
ကားမမောင်းမီ (တာယာ အေးနေချိန်) တွင် ကားထုတ်လုပ်သူ သတ်မှတ်ထားသော တာယာလေဖိအား (PSI) အတိုင်း ရှိမရှိ စစ်ဆေးပါ။
🔹 တာယာ၏ အခြေအနေကို ပုံမှန်ကြည့်ပါတာယာ ပတ်ကြားအက်နေခြင်း၊ ပုစွန်ဆီဖု ထွက်နေခြင်း သို့မဟုတ် ပန်းပွင့် ပါးနေခြင်းများ ရှိ/မရှိ စစ်ဆေးပြီး လိုအပ်ပါက အသစ်လဲလှယ်ပါ။
🔹 ခရီးဝေးမောင်းလျှင် ခေတ္တနားပေးပါ
အပူချိန်မြင့်ချိန်တွင် ခရီးဝေးမောင်းပါက အနည်းဆုံး ၂ နာရီ သို့မဟုတ် ၃ နာရီတစ်ကြိမ် အရိပ်ရသောနေရာတွင် ကားကို ခေတ္တရပ်နားပြီး တာယာကို အပူလျှော့ပေးပါ။ (မှတ်ချက်- ပူနေသော တာယာကို ရေအေးလောင်းခြင်း မပြုလုပ်ရပါ)
🔹 ဝန်ပိုမတင်ပါနှင့်
ကားပေါ်တွင် သတ်မှတ်ထားသည်ထက် ဝန်ပိုတင်ခြင်းက တာယာပေါ် ဖိအားပိုမိုကျရောက်စေပြီး ဘီးပေါက်နိုင်ခြေကို မြင့်တက်စေပါတယ်။
credit to PPE 9 Auto Mobile