ကား Aircon မပျက်စီးခင် ကြိုတင်သိနိုင်မယ့် အချက်ပေးလက္ခဏာများနှင့် ထိန်းသိမ်းနည်းများ

ကားမောင်းရင်း လေအေးပေးစနစ် (Aircon) က သင့်ကို အချက်ပေးနေတဲ့ သတိပေးလက္ခဏာ (၅) ချက်ကို သိထားပြီးပြီလား?
နွေရာသီတင်မကဘူး ရာသီမရွေး မောင်းနှင်ရတာ စိတ်ချမ်းသာဖို့ ကား Aircon ကောင်းမွန်နေဖို့ လိုအပ်ပါတယ်။ သင့်ကား Aircon မှာ အောက်ပါအချက်တွေ ကြုံနေရပြီဆိုရင်တော့ စစ်ဆေးဖို့အချိန် ရောက်ပါပြီ။
1️⃣ Aircon ဖွင့်ထားပေမဲ့ လေမအေးဘဲ လေပူပဲ ထွက်နေခြင်း
Aircon ခလုတ်ကို ဘယ်လောက်ပဲ အအေးဆုံးထိ မြှင့်ထားပါစေ၊ မအေးဘဲ သာမန်လေပူပဲ ထွက်နေတယ်ဆိုရင် Aircon ဂက်စ် (Refrigerant) နည်းနေတာ ဒါမှမဟုတ် Compressor မလုပ်လုပ်တော့တာ ဖြစ်နိုင်ပါတယ်။
2️⃣ ခါတိုင်းထက် လေထွက်အား နည်းသွားခြင်း
အအေးဓာတ်ရှိပေမဲ့ ခါတိုင်းလို လေအားမပြင်းတော့ဘူးဆိုရင် အဲကွန်းစစ်ဇကာ (Cabin Air Filter) မှာ ဖုန်တွေ၊ အညစ်အကြေးတွေ ပိတ်ဆို့နေလို့ ဖြစ်တတ်ပါတယ်။
3️⃣ ကားထဲမှာ အနံ့အသက် မကောင်းခြင်း
Aircon စဖွင့်လိုက်တာနဲ့ မှိုနံ့၊ အစိုဓာတ်နံ့ သို့မဟုတ် မကောင်းတဲ့ အနံ့ဆိုးတွေ ရနေရင် Evaporator Coil မှာ မှိုနဲ့ ဗက်တီးရီးယားတွေ စုပုံနေတာကြောင့် ဖြစ်တာမို့ ချက်ချင်း သန့်ရှင်းရေးလုပ်ပေးဖို့ လိုပါတယ်။
4️⃣ Aircon ဖွင့်လိုက်ရင် ထူးဆန်းတဲ့ အသံတွေ ကြားရခြင်း
ခါတိုင်းနဲ့မတူဘဲ ဂျိန်းဂျိန်း၊ ဂျီဂျီ စတဲ့ မြည်သံ သို့မဟုတ် ပွတ်တိုက်သံတွေ ကြားရရင်တော့ Compressor သို့မဟုတ် Blower Fan ရဲ့ အစိတ်အပိုင်းတွေ ပျက်စီးနေတာ ဖြစ်နိုင်ပါတယ်။
5️⃣ ကားကြမ်းပြင်ပေါ် ရေယိုစိမ့်ခြင်း သို့မဟုတ် ပုံမှန်မဟုတ်တဲ့ ရေယိုခြင်း
ကားအောက်ပိုင်းမှာ ရေယိုတာ ထုံးစံဆိုပေမဲ့ ကားထဲက ခြေနင်းခုံ ကြမ်းပြင်ပေါ် ရေတွေ စိမ့်ထွက်နေရင်တော့ Aircon Drainage Tube (ရေဆင်းပိုက်) ပိတ်နေတာ ဖြစ်နိုင်ပါတယ်ခင်ဗျာ။
ဒီအချက်တွေသင့်ကားမှာဖြစ်ပေါ်နေပြီဆိုရင်တော့ အမြန်ဆုံး Car Aircon Servicing ပြုလုပ်သင့်ပြီဖြစ်ပါတယ်။
credit to PPE 9 Auto Mobile