Rolls-Royce ကို ယှဉ်ပြိုင်မယ့် BYD ရဲ့ ဇိမ်ခံဆီဒင်ကားသစ် Yangwang Altior

တရုတ်ကားထုတ်လုပ်ရေးကုမ္ပဏီ BYD ရဲ့ အဆင့်မြင့်ဇိမ်ခံကားအမှတ်တံဆိပ် Yangwang က Rolls-Royce Ghost ကို ယှဉ်ပြိုင်မယ့် Flagship Sedan ကားသစ် Yangwang Altior ကို ၂၀၂၆ ခုနှစ် နိုဝင်ဘာ ၅ ရက်နေ့မှာ ဒူဘိုင်းမြို့၌ ပထမဆုံးအကြိမ် အများပြည်သူရှေ့ ထုတ်ဖော်ပြသသွားမှာ ဖြစ်ပါတယ်။
ယခင်က “HU” ဆိုတဲ့ ကုဒ်နာမည်နဲ့ သိရှိခဲ့ရတဲ့ ဒီကားဟာ BYD ရဲ့ U8 နဲ့ U9 မော်ဒယ်တွေထက် ပိုမိုမြင့်မားတဲ့ ဇိမ်ခံကားအဆင့်ကို ရည်ရွယ်ထားပါတယ်။
အဓိက သိထားသင့်တဲ့ အချက်များ
ကားအရှည် – ၅,၅၀၀ မီလီမီတာ (၂၁၇ လက်မ)
Wheelbase – ၃,၃၅၀ မီလီမီတာ
တံခါးဒီဇိုင်း – နောက်ဘက်တံခါးကို နောက်သို့ဖွင့်ရတဲ့ Coach Door ပုံစံ
နည်းပညာ – ခေါင်မိုးပေါ်တွင် LiDAR Sensor တပ်ဆင်ထားl
ဒီဇိုင်း – Yangwang U8 ရဲ့ ဒီဇိုင်းအယူအဆတချို့ကို အသုံးပြုထား
တရုတ်ပြည်တွင်းအမည် – Dingyao
နိုင်ငံတကာဈေးကွက်အမည် – Altior
ဈေးကွက်သတင်းများအရ Yangwang Altior ဟာ Rolls-Royce Ghost၊ Mercedes-Maybach S-Class နဲ့ Huawei-JAC Maextro S800 တို့ကို အဓိကယှဉ်ပြိုင်သွားဖို့ ရည်ရွယ်ထားပါတယ်။
ခန့်မှန်းဈေးနှုန်း
တရုတ်မီဒီယာများရဲ့ ဖော်ပြချက်အရ ယွမ် ၂ သန်းခန့် (အမေရိကန်ဒေါ်လာ ၃ သိန်းဝန်းကျင်) ရှိနိုင်တယ်လို့ ခန့်မှန်းထားပေမယ့် BYD ဘက်က တရားဝင်အတည်ပြုထားခြင်း မရှိသေးပါဘူး။
လက်ရှိအချိန်အထိ ကားရဲ့ အင်ဂျင်စနစ်၊ ဘက်ထရီနည်းပညာနဲ့ စွမ်းအားအချက်အလက်တွေကိုလည်း တရားဝင်ထုတ်ပြန်ထားခြင်း မရှိသေးပါဘူး။
နောက်ဆုံးသတ်မှတ်ချက်တွေနဲ့ တရားဝင်ဈေးနှုန်းကို ဒူဘိုင်းမိတ်ဆက်ပွဲမှာ ဆက်လက်သိရှိရဖို့ မျှော်လင့်ရပါတယ်။
credit